Ursäkten i Luleå domkyrka Läs texten på svenska här! SAMEFOLKET • 39 SÁPMI RUNT mannuj Teatera ja Estrad Norr, Region Jämtlánda Härjedalena siednadájdajn. Maŋenagi de aj tjaddnuj regissera Kjell Peder Johansson dan aktavuohtaj. Sån viehka ålov juogadij barggoábnnasijt ma lidjin gárvedum ja dabrijdij Åsa Simma vásádussaj gå sån vuostasj gierde vuojnnij ärkebiskåhpa ándagisádnomav. – Dav manná dahkat vuosádussan ja dan rájes lij barggo Åsa vásádusá milta, giehttu Kjell Peder Johansson. Hoalájdahttet Åsa Simmav vaj iesj tjuottjadit sienaj ij lim álkkes doajmma. – Dat lij 25 jage dan rájes gå sån maŋemusát tjuottjoj sienan, valla muhtem hoalájdahttema maŋŋel sån vijmak biegij kruossaj, sån javllá ja måjåt. Vuosádus galggá duostoduvvat degu dájdalasj vásstádus girkko ándagisádnomis ja låbddi åsijt degu kolonialiserimav, vielgev ja vuojŋŋalattja bielev. Álggovuosádus dåladuváj Uppsala duobbmogirkkon nuppát biejve gålggutmáno. Vásse tjavtja guossoduvvin muhtem ietjá duobbmogirkko ja 2026 joarkkeduvvá vájaldibme ietjá girkkojda. Aktisattjat birrusij 20 vuosádusá li ájggomusán. ÁNDAGIS ÁDNOM LA SJADDAM mihttusin ja moalggema dan hárráj li ihkeven buore ja miellusa. – Mij lip adnám birrusij 300-500 ulmutja juohkka vuosádusán, subtsas Åsa Simma. Girkko ándagis ádnomijn tjuovvun gáktsa dåjma ma li njuolgadusá gåk sij åvdusguovloj galggi dahkat vaj ándagisádnom ij sjatta dåssjen. Åsa Simma adná vaj gålmmå tjuoggá sierraláhkáj li ájnnasa; da sisadni mánáj riektájt, Vuojŋŋalimev ja vaj Svieriga girkko galggá gähttjalit várodit iemeálmmukriektá vuogijt sijá dåjmajn. Guovdásj oasse vuosádusán la mánáj ja nomadskåvlåj ja daj vájkudimijt ja båhtusijt majt sij adnin. Dat váldij låge jage girkkuj dajna bargojn, vaj åledi ja hábbmit sijá ándagisádnomav, giehttu Åsa Simma, ja vuosstáj válldem la årrum dajvak. – Muhtema båhti ja adni da li dåssjå guoros bágo, javllá Åsa Simma ja joarkká:. – Ájnnasamos gatjálvis munji la dat mij la ednamij birra. Vaj mij ietja oadtjop háldadit girkko ednamijt, ma álgos lidjin mijá ednama. Antje Jackeléns hålla: “Dat mij la dahkkum, dav ij maná divvot ja rievddadit, valla mij máhttep sáŋardit mijá oassálasstemav Svieriga koloniála histåvrås”. Teatera prográmmatjoahkken máhttá låhkåt: “Ándagisádnoma fábmo la danna gut dav oadtju ja gut dav vuosstáj válldá, ij danna gut dav vaddá”. Åsa Simma adná vaj vuodo gatjálvis le: “Mij le ándagis, ja majt báhko ándagis sisadná?”. Barggo girkko ámmádijn galggá vuostatjin bissot ja årrot manon låge jage. Dan maŋŋel miján la juoga lágásj vásstádus dajda gatjálvisájda. Andagis la guosske ja moajttis vuosádus mij galggá årrot dájdalasj vásstádus dan ándagis ádnomis majt sáme álmmuk oattjoj ärkebiskåhpas Antje Jackelénas mij buvteduváj ja juogeduváj Uppsala duobbmogirkkon basádismáno 2021.
RkJQdWJsaXNoZXIy MzE5MDM=