38 • SAMEFOLKET SÁPMI RUNT GIERUN SÁME TEATERA njunjoj Åsa Simma dahká åvtåv dajs oajvveåvdåstimijs “Andagis” vuosádusán. Samefolketij sån náv giehttu vuosádusá birra ja gåk dimna báhttsá ruopptot Uppsala duobbmogirkkuj basádismáno 24 bäjvváj 2021, gå ärkebiskoahppa Antje Jackelén njuolgga ja ággij dagu ánoj ándagis daj nuppástimijs majt girkko åvddål lij dahkam sáme álmmuga vuosstáj. Sadjihin dan bále lidjin girkkotjåhkanimájrrasa, sáme ájrrasa, åvdåstiddje sebrudagás, internasjonála vihtana ja aj ietjá jubmeldievnastiddjeguosse. Dat lij guosskalis ja histåvrålasj båddå, valla Åsa Simma ij lim danna. Sån ij ge gähttjam njuolggasáddagav TV:an, dat lij iesski soames máno maŋŋela ådå jage bielen gå sån vuohkádij ja oattjoj duosstelisvuodav gähttjat dav dáhpádusáv. – Mujna rat ällim vuorddemusá, valla mån oadtjuv ihkeven garra dåbdov. Mån ber tjierruv. Teater- ja filmmaulmutjin Simma ij gávnnum juorrulibme – dat lij giehtto mij hähttuj subtsastuvvat. Sån váldij aktavuodav Antje Jackelénajn ja oanegav dan maŋŋela såj iejvvidijga Lundan. – Måj anijma guhka ja tjiegŋalis ságastallamijt. Sån vaddij munji suv buorissjivnnjádusáv, giehttu Åsa Simma. DAT LIJ ÁJGODUM sjaddat akta vuosádus mij galgaj vuoseduvvat Uppsala duobbmogirkkon. – Dat bådij ruopptot värrodago álgguj, ruopptot dan ladnjaj gånnå rievvudahka lij manon, javllá Åsa Simma. Aktisasj barggo álkkáduváj ja bådij Ándagis ádnom Julevu duobbmogirkkon – Iehket mujttet Duobbmogirkko Julevun lij tjåbmå dievva muhtem árggabiejve ja mánnodakiehkeda. Vuorddemusá Gierun Sáme Teatera ásadimes ja vuosádus “Andagis” lidjin ihkeven allaga. Maŋŋel garra ja guosske vuosádusá spädtjoma e viggam nåhkåt ja hiejttet. TJÁLOS GERT FROST GÅVVÅ SANDRA LEE VASILJEV
RkJQdWJsaXNoZXIy MzE5MDM=