8 • SAMEFOLKET AKTUELLT “Láivves kompromissat eai máhte leahkit soabadeami vuođđun” Ruoŧa girku boahtteáiggi meahccedoalu dovddaldagat galget leahkit vuoiŋŋalaš, ekologalaš, sosiálalaš ja ekonomalaš bistevašvuođat. Nu lea Girkočoahkkin hábmen meahccemearrádusa. Got dat duohtavuođas šaddá dán oaidná áiggi mielde. – Mon háliidivččen oaidnit riikkaviidosaš obbalaš ovddasvástádusa, dadjá Henrik Blind, Jåhkåmåhki suohkanráđđi. ČÁLLI KRISTER STENLUND GOVVA JOKKMOKKS KOMMUN HENRIK BLIND lea okta dain moadde sápmelaš áirasiin girkočoahkkimis, Ruoŧa girku alimus mearrideaddji ásahusas. Son vurddii dán deaŧalaš digaštallama girku meahccedoalu birra, muhto geassádii jur maŋemus minuhtas: – Mis lei budjeahttačoahkkin suohkanstivrras Jåhkåmåhkis. Mon fertejin vuoruhit dán. Gáidosgaskaoami bokte son máhtii gávnnahit ahte girkočoahkkin dego vurdojuvvon hilggui Göran Enandera árvalusa dahkat radikála rievdadeami Ruoŧa girku meahccepolitihkas. Politihkkarat jienastedje dan sajis girkostivrra kompromissaárvalussii. Mearrádus, dego dat lea čállojuvvon, mearkkaša ahte meahccedoallu galgá čuovvut njeallje bistevaš mihttomeari: vuoiŋŋalaš, ekologalaš, sosiálalaš ja ekonomalaš bistevašvuohta. – Go čállit girkoortnegii ahte mii doallat eamiálbmotrievtti ávvirin dagaha ahte mis lea ovddasvástádus doallat oktavuođa sámiiguin, dadjá girkostivra sátnejođiheaddji árkabisma Martin Modéus. Juohkehaš ii leat seammá doivvolaš. Ovdal girkočoahkkima ráđđehallamiid ávžžuhii Ruoŧa sámiid riikasearvvi (RSR) politihkkariid doarjut Göran Enandera árvalusa. – Soabadeapmi sámi álbmogiin ii mana ráhkadit láivves kompromissaiguin. Dat ferte duohta daguiguin dahkat, rehálašvuođain ja duostilvuođain, dajai sátnejođiheaddji Matti Blind Berg. RUOŦA GIRKU lea organiserejuvvon nu ahte lea juhkkojuvvon 13 geográfalaš stiftaide dahje bismagottiide. Girkočoahkkima mearrideapmi mielddisbuktá ahte bismagottit besset dahkat njuolggadusaid iežaset báikkálaš dilálašvuođaid vuođul. Dat lea ge earet eará dát mii lea čuolbma, oaivvilda Henrik Blind. Máŋga bismagottit leat muitalan sin vuostehágu rievdadit meahccedoalu. Got hal dál áigot dahkat? – Mon livččen háliidan ahte girkočoahkkin galggalii váldán riikkaviidosaš obbalaš ovddasvástádusa dan áššis. Dal Ruoŧa girku boahttevaš meahccedoalu dovddaldagat galget leahkit bistevaš mihttomearit. Muhto árvostálit eahpidit. Henrik Blind, suohkanráđđi Jåhkmåhkis ja okta dain moadde sápmelaš áirasiin girkočoahkkimis.
RkJQdWJsaXNoZXIy MzE5MDM=