28 • SAMEFOLKET SÁPMI RUNT Sámiid oahpahusguovddáža nubbeluohkáoahppiid čájáhus – Ođđa buolva doalvu árbevieru viidáseappot Čájáhusas mas leai namma; Jahkegeardu, vuosehedje čieža nubbeluohkáoahppit sin dáidagiid Sámiid oahpahusguovddážis Johkamohkis: – Dát dáidda boahtá váimmus, dadjá Isak Pirak. ČÁLUS JA GOVAT LARS-OLA MARAKATT Latnja Årddås, skuvlla bajimus gearddis, sáhtte buohkat geahččat maid sáhttá dahkat lagešbáhkiin mii lea ráigánan ja ahte Isak Pirakis, 30, gal leat ádjá, Lars Piraka láhjit. – Mus leat stuora gápmagat maid galggan deavdit. Mun ráhkistan bargat gieđaiguin ja dan máhtán. Háliidan doalvut árbevieru viidáseappot ja čuovvut mu máttuid árbbi. Sullii 60 diimmu ráhkisvuođa lei son addán gárrái. Ii ráigi ge bissehan su. – Mun lean divvon dan nu got ovdal lávejedje dahkat, daniin. Dat lea oassi dán dáidagis, muitala son. Maid olbmot dadjet? – Leat dušše positiivvat. Ollusat háliidit oastit. Muhto lea okta min sogas gii lea diŋgon dan. Isak Pirak ja Alexander Mienna leaba dat áidna nuppátluohkáoahppit muorra- ja čoarveduodjeoahpahusas Johkamohkis. – Lea oalle ráfálaš go moai letne dušše guovttis. Diehttelas livččii somá go livččiimet eanet. Alexander Mienna lea nubbi nubbiluohkáoahppi gii lea bargan muorra- ja čoarvedujiin Sámiid oahpahusguovddážis. Rávttasniibbi bláđi lea Alexander Mienna áddjá ráhkadan.
RkJQdWJsaXNoZXIy MzE5MDM=