26 • SAMEFOLKET SÁPMI RUNT Kunhke suoládii showa Sáminuorra semináras Duohtavuođakommišuvdna ja Sáminuorra dolle ságastallama Johkamohkis, muhto leai suhtas- tuvvan Alice Bah Kuhnke geasa eanas olbmot speddjo gieđaid. – Mii diehtit ahte gávdno ollu rasisma ja vealaheapmi, ahte eai vuhtiiváldde álgoálbmotrievtti ja ahte olmmošvuoigatvuođat bilkiduvvojit, dajai son. ČÁLUS JA GOVAT LARS-OLA MARAKATT DUOHTAVUODAKOMMISUVNNA čálli Kaisa Syrjänen Schaal jugii sátnevuoru ja ságadoalli Lena Nyberg fuomášuhtii ahte lei Sáminuorra mii gáibidii duohtavuođakommišuvnna 2008:s. Vihtta jagi áigi mearridii Ruoŧa ráđđehus ásahit dan ja kommišuvnna bargu galggai juo leat válmmas muhto lea guhkiduvvon čavčča rádjái, maŋŋel válggaid. Kommišuvnna historjjálaš čilgehus gal almmuhuvvo juo njukčamánu njealját beaivve. – Boahtá čállojuvvot ollu historjjá birra, mii duođain lea dáhpáhuvvan ja maid olbmot muitalit, dadjá Kaisa Syrjänen Schaal. Sáminuorra ságadoalli Sara‑Elvira Kuhmunen gal vuorddaša raportta: – Mun sávan ahte Ruŧŧii maid boahtá álgoálbmotpolitihkka. Odne dat ii gávdno. Jus eai dán váldde vuostá de buot luohttámuš jávká jurdagis ahte hukset juoga stáhta ja sámi álbmoga gaskkas. Okta gii gillá dan stuora diehtemeahttunvuođas juohke beaivve lea Evelina Solsten. – Mun vásihan ahte eanas kommentárat vulget diehtemeahttunvuođas. Mun láven dustet sin áššálaččat, dalle láve čielgat ahte dan maid sii leat jáhkkán ja jurddašan, ja mii lea vuođđun sin vaššái, ii oba leat duohta ge, dadjá Evelina Solsten. Nuorat loktejedje maid ahte lea deaŧalaš ahte sámi siviilaservodat oažžu návccaid ja ahte sámi nuoraide sajáiduvvet deaivvadanbáikkit, go oktavuohta buktá dorvvolašvuođa. GULDALEADDJIT speddjo gieđaid go Simon Lundmark Kuhmunen muitalii man deaŧalaš prošeakta Nuoras nurrii lea leamaš. Son lea ieš leamaš ofelaš ja muitalan sámiid birra badjedási ohppiide Ruoŧas. Birasbellodaga Alice Bah Kuhnke ja David Helldén leaigga geahččamen ovttas Sámedikki stivraságadoalliin Marianne Gråik.
RkJQdWJsaXNoZXIy MzE5MDM=